Ngā tohutohu ā muri i tētahi ahi

Your Site Name

Ngā tohutohu ā muri i tētahi ahi

Me uru noa iho koe ki tō whare i wera mehemea he take nunui, ā, mēnā i whakamōhio atu tētahi kaimahi ratonga ohotata e haumaru ana te kuhunga ki te whare.

Mā mātou te wai, te hiko me ngā pūnaha haurehu e mātirotiro, ā, ka whakarite kia aukatia, ka whakamōhio ki a koe ētahi tohutohu hei whainga rānei.

Mehemea kāore he urunga ki tō kāinga, me whakarite koe i tētahi wāhi moe kē atu. Me noho pea koe ki tō whānau, ki ō hoa, ki tētahi mōtēra rānei mō tētahi pō, neke atu atu rānei mehemea i kino rawa te wera o tō whare.

Kia haumaru tō whare, ā, kia whakaaetia tō urunga, kimihia:

  • ō mokamoka tuakiritanga
  • ō mokamoka inehua
  • ō mokamoka hauora
  • ō mōhiti 
  • ō pārongo
  • tō wāreti me ō taonga

Mehemea kāore e taea ana te noho ki te whare i te kino o te ahi, aukatingia ngā puaretanga ki ētahi papa hei whakapāhunu i te hunga haere poka noa. Me whakarite pea koe i ētahi kaitūtei kia haumaru ai tō whare i ngā mahi tāhae.

Tiakina ngā pepa utu mō ngā mea i mate koe ki te hoko nā te wera o te whare penei i te wāhi noho me ngā kākahu. Kohikohia he rongoā, he mōhiti rānei.

Me whakapā atu ki a wai

Mehemea kua tūpono mai tētahi ahi, ā, kei te hia āwhina koe, whakapā atu ki ēnei tāngata me te whakamōhio atu i ahatia. He paku āwhinatanga pea kei a rātou.

  • Tō kamupene inehua
  • Tō whānau me ō hoa
  • Te rangatira o tō wāhi mahi
  • Te kura o tō tamaiti
  • Tō pēke, kamupene mōkete rānei

He mea nui hoki te whakamōhio atu ki ngā tini ratonga e whai wāhi atu ana ki tō whare pēnei i te:

  • Poutāpeta
  • Kamupene hiko
  • Kaunihera ā-rohe
  • Kamupene haurehu
  • Kamupene waea, ipurangi hoki

Mā rātou koe e whakamōhio atu he aha ngā mahi ā muri atu i te ahi.

Mehemea e rēti ana koe

Me tere te whakamōhio atu ki te tangata nōna te whare.

Mehemea he kairēti koe nō Te Kaporeihana ā-whare o Aotearoa, whakapā atu ki te kaiwhakarite o tō whare. Waea atu ki a Te Kaporeihana ā-whare o Aotearoa rānei, 0800 801 601.

Ko wai te hunga āwhina

Mutu ana te ahi, he māori noa te rongo i te tūtakarerewa me te tīrangi mō tētahi wā. Ka taea pea e koe ngā taumahatanga katoa te pīkau engari kaua e horokukū ki te pātai mehemea kei te hia tautoko.

Inehua

Mehemea he inehuatia koe

Waea tika tonu atu ki tō kamupene inehua, tō māngai, tō kaiwhakahaere rānei.

Mā rātou koe e ārahi i ngā mahi mō ā muri atu i te ahi, pēnei i te whakahaumaru i tō whare me te tuhi i ngā taputapu i wera i te ahi.

Kaua e tango i ngā taputapu mai i te whare kia kōrero rānō koe ki tō kamupene inehua. Kaua e whiu atu i ngā taputapu pakarū mō te tūpono me āta mātai tonu. Kōrero ki tō kamupene inehua i mua i tāu whakarite i ētahi mahi whakatikatika.

He rite tonu te whakatewhatewha a ngā kamupene inehua i ngā kerēme. Maharatia ngā āhuatanga katoa, mai i mua i te ahi tae rawa ki te weranga, ki tētahi ohotata kē atu rānei. Tuhia ngā āhuatanga nei, ā, kia rite ki te whakautu i ngā pātai a tō kaiinehua.

Mehemea kāore ō inehua

Mehemea kāore ō inehua, ka roa pea te wā e hoki anō ai koe ki te hāneaneatanga (kei te āhua o te kino o te weranga)

Mehemea e hiahia ana koe ki ētahi āwhinatanga anō, he paku oranga pea kei ngā rōpū hapori kua tuhia ki runga ake rā.