Ngā tohutohu ki te wera te whare

Your Site Name

Ngā tohutohu ki te wera te whare

Mehemea ka kā mai tētahi ahi i tō whare, he tata ki te 3 mēneti kei a koe e taea ai te puta i mua i te muramura oranga kore.

Koinei ngā tohutohu me tere te whai:

  • Mehemea he tāngata anō kei te whare, me hāparangi atu ‘HE AHI, HE AHI, HE AHI!’
  • Mehemea he auahi, e heke ki ō ringa me ō turi, ā, kia tapotu, kia tere te ngāoki e puta ai koe i te auahi. Ka wera, ka kī hoki te auahi i te paihana, ā, ki te hāngia, ka mate pea koe. Kia mahara: Me heke, me tapotu, me puta.
  • Mehemea e taea ana, katia ngā kūaha i muri i a koe kia whāiti iho te terenga o te ahi.
  • Mehemea kāore e taea ana e koe te puta i te whare, katia te kūaha o te rūma e noho nei koe, ka whakatakoto ai i tētahi tāora ki te āputa o raro kia aukati i te urunga atu o te auahi. Haere atu ki te matapihi, kātahi ka karanga ‘HE AHI, HE AHI, HE AHI!’. Tāria te taenga atu a tētahi ki te āwhina.
  • Mehemea kāore koe e taea ana te whakatūwhera i tētahi matapihi (hei tauira, he tāmautanga whakahaumaru ō runga), whakaarohia te whakamahi i tētahi tūru, he taputapu whare kē atu rānei hei whakapakore i te karaehe. Ūhia ngā toenga wāhanga koi ki ngā papamuka o te moenga kia puta haumaru atu.
  • Kia haumaru rānō, waea wawe tonu atu ki a 111 mai i tētahi waea pūkoro, te waea o tētahi tangata noho tata rānei.
  • Hui atu ki te wāhi haumaru i whakaaetia e koutou – he wāhi haumaru atu i tō kāinga

Ka puta ana koe i te whare, me noho ki waho. Kaua rawa e hoki ki roto

Me mahara ki te whakamōhio atu ki ngā kaipatuahi i te taenga atu mehemea kua puta haumaru atu koutou katoa, mehemea rānei e tamō ana tētahi.

Me mātua whakarite i tētahi rautaki putanga kia mōhio ai koe ki te putanga tere i tō whare ki te tūpono mai tētahi take ohotata.