Ko Māui-tinei-ahi he hōtaka haumarutanga ahi nā te Whakaratonga Iwi i hanga mā ngā ākonga i te tau 1 me te tau 2 i roto i ngā akoranga arareo Māori. E hāngai ana ngā rauemi ki Te Marautanga o Aotearoa (2008) me Te Aho Matua.
I whakawhanaketia tēnei rauemi Māui-tinei-ahi e ngā kaiako, kaiāwhina, Pou Takawaenga Māori, kaipatu ahi me ētahi atu kaiako.
Ngā mahi Aromatawai
E hiahia ana te Whakaratonga Iwi ki te whakaatu he pēhea te panoni haere o ngā whanonga a ngā ākonga me ō rātau whānau nā te whai wāhi ki ngā hōtaka Get Firewise me Māui-tinei-ahi, inarā hoki mō ngā hua akoranga e toru e hāngai ana ki te haumarutanga ahi.
Ka whai mātou ki te pērā mā te hopu i ngā raraunga kohura me ngā raraunga aromatawai whakakapi mō ia hua i rārangitia i raro - e tukuna ana ngā ngohe mō ia hua. Ka taea e te kaiako te kōwhiri te whakamahi i tētahi, neke atu rānei, o ngā ngohe ngāwari hei aromatawai i tāna karaehe ki ia hua. Ka taea e koe te kōwhiri te whakamahi i tētahi ngohe anake, i ngā ngohe rerekē rānei mō te aromatawai kohura me te aromatawai whakakapi.
Ko ngā hua e arotaketia ana e mātou i roto i ēnei ngohe ko ēnei:
- E mārama ana ngā ākonga he mōrearea te ahi.
- Ka whakaatu ngā ākonga i te mōhio ki te ārai atu i te ahi.
- E whakaatu ana ngā ākonga e mōhio ana rātou me pēhea te puta wawe, haumaru hoki i te whare e kā ana, kia tae ki tētahi wāhi haumaru.
Ko Māui-tinei-ahi he hōtaka tāwariwari, ā, ka taea kia whakamahia hei kaupapa wā poto, e whakapau nei i ngā hāora reo matatini me ngā hāora kaupapa i roto i ngā wiki e rua, e toru rānei. Ka taea hoki kia whakamahia hei kaupapa ā-kaupeka mā te whakamahi i tētahi huarahi ako pakirehua.
 |
Ko te pukapuka whakaahua nui, arā ko Ka Ora a Tāmati me Mokopeke i te Ahi tētahi o ngā tino wāhanga o te rauemi Māui-tinei-ahi. E whakaū ana te pakiwaitara i ngā kōrero haumarutanga ahi matua. |
He toronga kaitinei ahi
Ahakoa e hoahoatia te hōtaka o Māui-tinei-ahi kia tukuna e ngā kaiako anake. Ko te toronga kaitinei ahi he whakaturanga whai anga mā te karaehe ka whakarāpopoto, ka whakaū anō hoki i ngā akoranga matua o Māui-tinei-ahi. Ko te tikanga e 30-45 miniti tōna roa.
He mea tautoko te whakaaturanga kaitinei ahi, heoi ehara tērā i te whakakapi mō te hōtaka akoranga. Me oti te hōtaka o Māui-tinei-ahi i ngā ākonga, kātahi ka taea tētahi kaitinei ahi te toro mai.
Ko tā te whakaaturanga he whai kia whiwhi urupare i ngā ākonga, ā, me tuku ia whakaaturanga ki te karaehe kotahi anake kia whaihua ai tāna mahi. E kore ngā kaitinei ahi e tuku i ngā whakaaturanga ki ngā kāhui karaehe, nā te mea ka pāngia kinotia ā ngā ākonga pupuri i ngā whanonga haumaru.
Ka taea e koe te tono tētahi toronga kaitinei ahi mā tō teihana ā-rohe, mā te puka whakapā rānei.
Ngā ataata
- Te tere o te ahi
- Waiata - TERE Puta Atu!
- Waiata - TERE Puta Atu! (Kāore he kuputuhi i raro)
- Te tinei ahi
- Ka Ora a Tāmati me Mokopeke i te Ahi
- Ngā whakaahua o Māui-tinei-ahi
Rauemi
 |
Te Pukapuka Ārahi i te Kaiako NOTE: this refers to our old website www.getfirewise.org - this now redirects to fireandemergency.nz/getfirewise |
 |
Ka Ora a Tāmati me Mokopeke i te ahi / Kia Tūpato ki te Ahi (kotahi pukapuka pūrākau pikitia rahi) |
 |
E iwa ngā whakaahua nunui |
 |
Me heke, me tāpapa, me puta – KIA TERE |
 |
Ka Ora a Tāmati me Mokopeke i te Ahi (Youtube) |
 |
Te Kohinga Karetao Matua nō Māui-tinei-ahi (3 sets) |
 |
Kotahi pānui pakitara mō te pūrākau o Māui rāua ko Mahuika |
 |
Tere Puta Atu |
 |
E waru ngā pikitia autō mō Tamati |
 |
Haumaru Ō Tamariki i te Ahi, hei tauira mā te whānau |
|
Tekau ngā pūoro kōpae ataata mā ngā whānau [me tono tahi me te kete rauemi] |
 |
Te tāpiri mō te wāhi tūtakitaki haumaru |
 |
Te tiwhikete o Māui Tinei Ahi |
 |
Reta hukihuki mā ngā whānau |