Te whakamahinga ā-iwi o te ahi

Fire and Emergency New Zealand

Te whakamahinga ā-iwi o te ahi

Mehemea e whakarite ana koe i tētahi ahi tunu kai o waho, o rō whenua (pēnei i te hāngi, umu, lovo rānei), me mātua whai koe i ngā whakaritenga e iti iho ai te mōreareatanga o te ahi teretere.

Kei tēnei whārangi, kua whakahāngaitia e mātou ngā kōrero ki ngā hāngi, engari e hāngai tonu ana ngā ture ki ngā umu, lovo, me te aha atu anō o ngā ahi tunu kai o waho, o rō whenua. 

I mua mai i te hāngi 

  • Rangahaua te wā tika mō te tahu ahi i mua i te whakarite hāngi. I ngā wā kua rāhuitia te ahi, whakaarohia he rautaki tunu kai kē atu.
  • Me tono pea koe mō tētahi pepa whakaae ahi mō tō hāngi. He rerekē ngā ture mō ngā pepa whakaae ahi, kei te āhua tonu o te takiwā e noho nei koe. Mehemea kāore koe i te mōhio pai, whakapā atu ki te Tari Tīnei Ahi o tō rohe.
  • Ki te kore rānei koe e mate ki te whai pepa whakaae ahi, he pai tonu te whakaaro kia whakapā atu ki te Tari Tīnei Ahi o tō rohe, e rua rā i mua i te hāngi me te whakamōhio atu i āu whakaritenga. Mā tēnei e mōhio ai rātou kua whakaritea te ahi, ā, ka noho takatū mō te tūpono ka ara mai he raruraru.
  • Whakamōhiotia hoki ō kiritata, e mōihio ai rātou kia kaua e waea atu ki te Tari Tīnei Ahi.

Te mōhio pū e haumaru ana tāu hāngi 

  • Me whakarite atu te ahi o te hāngi i ngā rākau me ngā whare. Ehara te mura anake i te mea e tahu mai ai he ahi. Ka taea hoki e te hahana o te ahi ngā mea e tahu.
  • Me whakamahea ngā kai pūkākā kei te takiwā tonu o te hāngi, pērā i te pātītī me ngā putunga rau maroke e tata ana ki te pūtake o te rua ahi.
  • Me tahu noa i ngā hau maiangi, i ngā āhuatanga āio rānei
  • Me whakarite mai i tētahi punawai ohotata. Ka whakamahi pea koe i te ipu e whakamākūkū ana i āu pēke huka.
  • Me whāngai i ngā kai ora a te ahi, pērā i te wahie pūmatū-kore, i te wahie maroke. Kaua e whāngai i te para, i te kirihau rānei ki tāu ahi.
  • Me whakamahi i ngā matū tahu-kore, pērā i ngā papa rino tawhito nō ngā tuanui kia āraitia te ahi i te pupuhinga o te hau.

Men lowering food into a hangi as embers cool on a sheet of corrugated iron

  • Me whakaiti i te auahi ka puta i tāu hāngi mā te whakapūkākā i te ahi.
  • Me mātua whakahaere tētahi pakeke i te ahi i ngā wā katoa.
  • Me poko rawa ngā ngārehu me tika hoki te whakarerea i mua tonu i tāu wehenga i te hāngi. 

Ka kitea he kōrero anō i tā mātou aratakinga ki ngā ahi tunu kai o waho.