Māui-tinei-ahi

Ko Māui-tinei-ahi tētahi hōtaka marutau-ahi i ahu mai i Te Ratonga Ahi me ngā Ohotata i Aotearoa mā ngā tauira tau 1 me te 2 i ngā kura kaupapa Māori.

On this page:

On this page

Mo te kaupapa

Ko tā tēnei tangata a Māui-tinei-ahi he whakaweto i te ahi. Kua whakaritea te hōtaka hei hōrapa atu ki ngā akoranga kura kaupapa Māori, me te nuinga o ngā kura reo rua hoki.

Kua whakaurua ki te kete rauemi ā-akomanga o Māui-tinei-ahi ētahi rauemi e ōrite ana ki ērā o Get Firewise mā ngā tau 1 me te 2, engari ehara ia i te whakamāoritanga kau noa o Get Firewise.

Ahakoa he rite tonu ōna whāinga marutau ahi (te mōhiotanga ki te mōrearea o te ahi, ngā tikanga me whai ina tūpono mai te ahi, te parepare i te tākaro ki ngā pūahi me ngā māti), ka whakatairanga kē ngā rauemi o Māui-tinei-ahi i ngā tirohanga Māori, ka hono atu hoki ki Te Marautanga o Aotearoa (2008)(external link) and Te Aho Matua(external link)

I whakawhanaketia te hōtaka nei e ngā kaiako, ngā kaiāwhina, ngā Pou Takawaenga Māori o Te Ratonga Ahi me te Ohotata, ngā kaipatu ahi me ētahi atu kaiwhakaako. Ka tukua e ngā kaiako, kātahi ka taunakitia ki tētahi whakaaturanga nā ngā kaipatu ahi, ngā Pou Takawaenga Māori me ngā ohu Tūraru ā-Hapori. He reo Māori te katoa.

Ko Māui-tinei-ahi he hōtaka tāwariwari, ā, ka taea kia whakamahia hei kaupapa wā poto, e whakapau nei i ngā hāora reo matatini me ngā hāora kaupapa i roto i ngā wiki e rua, e toru rānei. Ka taea hoki kia whakamahia hei kaupapa ā-kaupeka mā te whakamahi i tētahi huarahi ako pakirehua.

Ko tā Māui-tinei-ahi he whakatairanga i tō mātou utanga ki te mahi tahi ki te Māori, hei tangata whenua. Ko tāna hoki he whakamana i tō te Māori homai ki te ārai ahi, tana poipoi i te aumangea o te hapori me tana ārahi i ngā urupare ohotata huri noa te motu.


Mēnā he pātai āu mō tēnei hōtaka, a Māui-tinei-ahi, whakapā mai ki tō mātou tīma ki māori@fireandemergency.nz

Ngā whāinga matua o te hōtaka

Ka aronui a Māui-tinei-ki tā te tauira: 

  • mārama ki te tūpono mōrearea o te ahi
  • āheinga ki te whakaatu mai i tōna mōhio ki te ārai i te hikanga mai o te ahi
  • āheinga ki te whakaatu mai i tōna mōhio ki te puta i te whare e ngiha ana i runga i te tere me te haumaru, me te tae atu ki tētahi wāhi whakaemi haumaru.

Ka tutuki ēnei whāinga mā te whakaoti i ngā ngohe i raro iho nei.

Ka whakamahi pea te kaiako i tētahi, ētahi rānei o ēnei ngohe māmā ki te aromatawai i tana karaehe ki ia whāinga. Ka taea e koe te whakamahi i tētahi, ētahi rānei o ngā ngohe rerekē mō ngā aromatawai kohura me te whakakapi. 

Ngā raraunga aromatawai mō Māui-tinei-ahi me te urupare mō te hōtaka

Mā te raraunga aromatawai ākonga me ngā urupare a ngā kaiako mātou e āwhina ki te whakatūturu kei te tutuki i te hōtaka ōna anō whāinga, me ngā hiahia o ngā kaiako me ngā ākonga, ā, kei te hāngai ia ki te ao hurihuri nei. 

Kei raro iho nei te puka aromatawai me te urupare o Māui-tinei-ahi, ka whakamahia pea e ngā kaiako hei hopu, hei aroturuki hoki i tō rātou kauneke, ā, hei tuku urupare mō te hōtaka: 

E whā ngā wāhanga o te puka urupare: 

  • Ngā taipitopito whakapā, kura hoki
  • Te raraunga aromatawai
  • Te urupare mai mō ngā rauemi/te hōtaka o Māui-tinei-ahi
  • Te urupare mō te toronga kaipatu ahi.

Tuhinga tautoko

Ngā ngohe aromatawai kaiako [PDF, 1.6 MB]

Ngā ngohe aromatawai me te puka [PDF, 186 KB]

Whakakīia te puka tuihono o raro nei, tukua mai rānei tētahi PDF [PDF, 1.6 MB]

te puka aromatawai me te urupare ō Māui-tinei-ahi

Complete the form

Te toronga kaipatu ahi

 

Ahakoa kua whakaritea a Māui-tinei-ahi hei hōrapa mā ngā kaiako motuhake, ko te toronga kaipatu ahi tētahi whakaaturanga ki te karaehe kua āta whakairohia hei whakarāpopoto, hei whakaū hoki i ngā mātauranga matua o te hōtaka, o Māui-tinei-ahi.

Mā Ahi me te Ohotata e tuku, ko tōna 30 ki te 45 meneti te roa. Mā te whakaaturanga kaipatu ahi te hōtaka whakaako e tautoko, ehara ia i te whakakapi. Me oti i ngā tauira a Māui-tinei-ahi hei mua mai i te toronga o te kaipatu ahi. 

Ko tā te whakaaturanga he whai kia whiwhi urupare i ngā ākonga, ā, me tuku ia whakaaturanga ki te karaehe kotahi anake kia whaihua ai tāna mahi.

Kāore ngā kaipatu ahi e tuku i ngā whakaaturanga ki te tini karaehe i te wā kotahi, he mimiti nō ngā tauira te whakamau i ngā whanonga haumaru. 

Ka tonoa e koe te toronga kaipatu ahi mā te haere ki tō whare tinei ahi paetata(external link), mā tēnei puka whakapā(external link) rānei. 

 

Order physical resources for schools

Order now