Use this space to note any additional information about your escape plan, i.e. who will assist
Smoke is poisonous and more deadly than flames.
If you breathe smoke for more than a few breaths it can kill you.
A house fire can kill you in less than three minutes.
Don't spend time trying to save possessions.
A closed door buys you time.
It slows down the spread of fire, giving you more time to get to safety.
People have died by going back into a fire.
Don't leave the meeting place to go back inside for any reason.
Anei mātou o Te Ratonga Ahi me ngā Ohotata i Aotearoa e tāpae ana i tō mātou Rautaki Māori, i runga i te ngākau matakuikui.
Ko te whāinga o tō mātou Rautaki Māori te whakahaumaru ake, te whakapakari ake hoki i ō tātou hapori Māori. Ko tāna he whakatakoto i ngā mahi me oti e tutuki ai tēnei whāinga, ngā take mō te hiranga o tērā, ā, mātua rā ko ērā āhuatanga me panoni.
Ko tā te whakataukī o runga ake nei he whakaāhua i tō te Māori tirohanga e pā ana ki te wā, me te whiringa tahitanga o te inamata, te wātū me te anamata. He hāngai tēnei tirohanga ki ngā moemoeā me te whakawhanaketanga o tō mātou Rautaki Māori.
Kua whakawhārikitia te rautaki ki ō mātou mātāpono, te aronga rautaki o tō mātou tōpūtanga, ngā wāhanga aronga rautaki a te Tumu Whakarae, me tō mātou herenga kua pānuitia atu mō te mahi tahi ki te hunga Māori hei tangata whenua. Koinei te whāriki ki tō mātou Rautaki Māori, e ai ki ērā mea ka hiahiatia e mātou ā te anamata.
Kua taumaha ake te pā kino atu o te ahi kore hiahiatia me te ohotata ki te hunga Māori. Waihoki, i runga i te take kei tōna haurua o ō rātou huarawa he mea haumi ki ngā ahumahi e kaha pāngia ana ki te āhuarangi (arā ko te ahumahi ngāherehere, te ahumahi ahuwhenua, te ahumahi hī ika me te ahumahi tāpoi) ka kaha pāngia te hunga Māori ki te ahi āhuarangi hurihuri hoki. Nō konā, he tino nui te hiahia kia pai ake ai ō mātou putanga ki te hunga Māori. Mā te whakapakari i ngā hononga whakawhiti atu i ngā hapori Māori, ka whakapakari hoki ai te rautaki nei i ngā hapori anō, e haumaru ake ai a Aotearoa ki a tātou katoa.
E aro whakawaho ana ngā pou e rua o ngā pou e whā o te Rautaki Māori ki tētahi anamata, ki reira mātou hanga ai i ngā hononga ki tēnā, ki tēnā hapori, he wheako nui nō mātou ki te hunga Māori. Waihoki, ki reira ō mātou hapori Māori noho ai he haumaru ake, he aumangea hoki i te ahi.
Ko ērā atu pou e rua he mea aro whakaroto kē, ki tētahi anamata ki reira ō mātou rangatira tautoko ai i ngā kaupapa Māori, ki reira ō mātou kaimahi noho matatau ai i ngā pūkenga ahurea e tutuki pai ai ēnei whāinga.
Ahakoa te mea kua whakatakotoria i te Rautaki Māori te pae tawhiti e whai nei mātou, ehara tāna he tautohu i te wā whāiti kia “oti” ai tā mātou mahi. Ka toitū, ka pūmau hoki tēnei rautaki, pērā i tō mātou herenga ki te mahi tahi ki te hunga Māori hei tangata whenua. Ko tāna he arataki i tō mātou haere hei tōpūtanga. Ko tāna hoki he pānui atu ki ngā hapori Māori, anei mātou a Te Ratonga Ahi me ngā Ohotata i Aotearoa e oke ana kia pai ake ai ō mātou hua ki a rātou. Waihoki, he pānui ki ō mātou kaimahi ka oke mātou kia pai ake ai te wairua me ngā tikanga o tō mātou tōpūtanga, me tō rātou haumarutanga, hauora me te waiora hoki.
Kei a mātou katoa o tēnei tōpūtanga, o nāianei, o anamata hoki, te whakatutuki i ngā whāinga o tēnei rautaki. Mā whero, mā pango, ka ora ai te iwi.
